12092 بازدید
تبریز ؛ شعری در وصف پیشینه و تاریخ شهر
وصف تبریز
سنین دونیالاردا آدین بلی دیر
یاییلمیش هر یانا سوراغین «تبریز»
هر سینیق کونوله بیر تسللی دیر
بو تازه دورانین بو چاغین «تبریز»
بو اودلار وطنی بو گوزل مکان
یا گوزل گونشدیر یادا آسمان
سن بو آسماندا دان اولدوزیسان
آرتیبدی عزتین نوراغین «تبریز»
شرقین گویلرینده چوخ اولدوز آخدی
تاریخ نه نیشان نه ایز بیراخدی
سنین مرد باغیندا شیمشک ده چاخدی
لاکین قارالمادی چیراغین «تبریز»
آزادلیق ایسته دین زیندانا دوشدون
تقصیر سیز گناه سیز بهتانا دوشدون
مین قارا چووغونا بورانا دوشدون
ینه الولاندی اوجاغین «تبریز»
سن تسلیم اولمادین اولومه قانا
ارکین گوی مسجیدین شاهید دیر بونا
ستار خان یتیره ن اودلار یوردونا
بیر سنگر یارانیب هر داغین «تبریز»
ایندی سن آزادسان ائلین بختیار
گلیسن قدرتینه اینانمایانلار
سنده دیر بو جلال بو ثروت بو وار
گوهر معدنی دیر توپراغین «تبریز»
آرتیق اینله مه ییر قفسده بولبول
نه ساری خزان وار نه خسته بولبول
اوخویور شانیندان گول اوسته بولبول
گونده مین گول آچیر هر باغین «تبریز»
گونش حسد چکیر گوی لردن سنه
باخدیقجا هئی باخیر دویماییر یئنه
اولدوزلار مات قالیر گوزل لیگینه
آیا گل دئیر او بلاغین «تبریز»
یاشا بو دنیادا وار اول سن
جنتین تمثالی بیر دیار اول سن
شرق ده آزادلیغا بایراقدار اول سن
اولسون هر دشمنین هر یاغین «تبریز»
سنه آنا دئسم یئری وار یئری
چونکی تصدیق ائدر بو شرق ائللری
ایگیتلر بویودوب ازلدن بری
سنین بو مهربان قوجاغین «تبریز»
منده اوز اوغلونام ای عزیز آنا
آل بو اولادینی دوغما قوینونا
اوشاق تک گولومو سالیم بوینونا
قوی اوپسون آنلیندان دوداغیم «تبریز»
دولانیر شمعینه پروانه کونلوم
آیریلماز حسنیندن بیر یانا کونلوم
اود دوتوب آلیشا دیوانه کونلوم
قوی آخسین قوینوما بولاغین «تبریز»
واقعا ،واقعا، واقعا سپاسگزارام واقعا چوخ بیوک ایش و بیوک لطف اله می سیز افتخار یاراتمسز ، قوربان اولوم
سلام. سپاسگزارم. انجام وظیفه در برابر تبریز بزرگ هست.
سلام
واقعا عالی بود …
توصیفی محشر برای تبریز …
فقط میشه لطف کنید بگید این اثر از چه کسی هست (منظورم اسم کتاب و خود فرد می باشد )
سلام و درود
ممنون دوست عزیز
متاسفانه نام سراینده شعر را نمیدانم و از فضای مجازی برداشت شده است.